Amal Ba Mokel Ke Mutalik Khasusi Hidayaat - Mokelat Ka ilm Mokil Muwakkil

"Amal Ba Mokil Ka Tarika"

Method Of Amal Ba Mokil

Youn tou har amal ba mokil hota hai kyoun keh har ayat aur ism balkeh har harf ke mokil hotay hain. Jis ki tilawat karnay se woh mokil jo us harf ya ism ke tabae hotay hain, Allah ke hukam se amil ke har kaam ko sar anjaam detay hain. Magar istlah aamleen main amal ba mokal usay boltay hain jis ke zariye mokil ko amil apnay tabea banata hai aur mowakkil amil ke samnay achi ya khofnaak shakal main zahir ho kar amil ki itaat ka wada karta hai aur ayenda ke liye us ko bulanay ka tareka daryaft kiya jaye tou woh takeqa bhi khud hi batata hai.

Mowakkil Ki Kismain:

Har Ism ke 5 Muwakkil hotay hain.

1: Mowakkil Alwi jamali

2: Mowakkil Alwi jalali

3: Mowakkil Safli jamali

4: Mowakkil Safli jalali

5: Mowakkil Kudsi

1: Muwakkil Kudsi.....ahal-e-takwa ya ahl-e- ALLAH hi tabay kar saktay hain har aik ki taqat se bahir hai.

2: Muwakkil Alwi Jalali aur Jamali..... ko tabay karna intihai muskhil aur khatarnak hai har aik ke bas ki baat nahin is main nuksan ka bhi khatra hai.

3: Muwakkil Safli Jalali aur Jamali.... main kisi ki qaid nahin, har aik fard kar sakta hai, aam toor par amal safli mowakkil main amil na'jaez amoor ki taraf zayada mael rehta hai aur mowakkil se bhi asay hi kaam laina chahta hai jis ki wajah se akal ka nuksan yani pagal ho sakta hai aur jani aur maali nuqsan bhi uthana parta hai, agar sirf jaez amoor main in se kaam liya jaye tou kisi kisam ke nuqsan ka andesha nahin.

Amal Ba Mowakkil Alwi, Jamali aur Jalali kartay waqt niyat sadiq hai tou is ka amil amoor khair hi ki taraf mael hota chala jaye ga. Yahan tak ke Mowakkil us se manoos ho kar us ke tabae ho jatay hain.

Hidayat Amal Ba Muwakkil:

1: Har amal ba mowakkil main tehreer ho ya na ho tark jalali aur jamali zaroori hai, jis tarah amal se awwal aur akhir Durood Shareef 3 baar ya 7 baar ya 11 baar parhna zaroori hai.

2: Zuban ko qalb ko buri bataon aur khayalaat se mehfooz rakhna zaroori hai.

3: Pakeezgi-o-taharat ke sath achi khushbu main basa hona zaroori hai keh mowakkil paki-o-taharat aur khushbu ko bohat pasand kartay hain.

4: Jism-o-Libas ki paki ke sath qalb-o-neeyat ki paki bhi shart hai, kisi na'jaez khayal ko dil main jagah na dain warna nuqsan ka khatra hai.

Amal Ba Mowakkil Ka Ehsan Tareka:

Method Of Amal Ba Muwakkil:

In sharayat-o-hidayaat par amal karnay ki salahiyat-o-kabliyat aur ahliyat honi chahiye. Aur ye keh amal ba mokal karay tou mokal ko tabay ya samnay hasir honay ki niyat se na karay. Amil ka maqsad ye ho keh hamara falaan kaam maslan adaegi qarz, mulazmat ka milna, falaan shuks jo ghayeb hai hazir ho, falaan ki biwi jo maikay main baith gayi hai shohar ke ghar ajaye wagera wagera... ye tamam amoor mokil ki hazri ke baghair bhi puray ho saktay hain tou kya zaroorat hai keh mowakkil ko apnay tabay kiya hi jaye. Aisi surat main kisi amal ba mowakkil ko 3 din ya hasb-e-hidayat jitnay dinon ka ho ba'sharayat karain aur niyat sirf ye ho keh hamara falaan kaam ho jaye (jaez kaam) ya jub bhi mera koi jaez kaam ho aur main us kaam ke liye Ism paak ka wird karon tou mera kaam anjaan diya jaye. INSHALLAH woh kaam anjaam pata rahay ga aur aap amal ke munkata honay aur rijat honay takleef-o-nuksan uthanay se bhi bachay rahain gey. Is tarah ye bhi mumkin hai keh mowakkil khud samnay ajaye.

If you will enter your email address here then you will recieve latest posts from quranwallpapers in your inboxQuran, Islam, Wazaif, Ayat, Hadees, Wallpapers, Ramadan, Wazifa: